How far we can go for our city's diorama? 是1/64! 由1998的我從灣仔鴻興買第一架Tomica上eBay賣開始已跟火柴盒車結下不解緣, 兜轉了十六年, 見證唔少玩具的起落, Bit Char-G, Digi-Q, 迷你直升機, 爬牆車, Mini-Z, Wii...十六年後仍然不死的我唸除了Lego, 就是合金車仔了， 除了Tomica, Tomytec當然仲有反斗車王, 所以Tiny一開始除了1/18， 1/43外還開發了1/64
十六年來Tomica的屋仔建築物故然多, 但一係就玩具到飛起, 正1/64比例就貴到飛起而且勁日本同得兩三款(冷門到相信大家都未見過有店賣)， 即係就1/150, N Scale, 超多款但勁日本又無香港車配。十六年真的不短時間, 所以即使市場幾細, 即使資金不到位, 也想完了這個夢, 都要幾年才能逐一實踐, 原点由這道路系統開始!
企劃分兩層, 1/64無電子版行大眾化價錢, 但這道路系統已預留着燈電綫位給高檔市場, 路燈, 安全島燈, 交通燈全部有LED版本, 可着全景燈光
大家勿介意我今天刋登了道路無色的啤件相片, 由構思,去街度尺,3D畫圖, 系統設計, 起模改模, 到今天已行了一年的路, 到今天才開始計劃下去 (但仲未有資金時間起消防局, 警察局, 舊樓..^_^)我邀請大家由現在到出貨見證一步一步完全成的過程。
哈, 不要少看這情景, 道路砌件已有十款, 配件路牌已有十九款了。
Search